Shetland Sheepdog

Bláfelds Arctic Evening Rose "Nala"
ásamt eiganda sínum,
Söru Benediktsdóttir.

Heilsa Sheltie er að öllu jöfnu mjög heilsuhraustur hundur. Æskilegt er samt að láta augnskoða undaneldidýr. Farðu einnig með hann í reglubundið eftirlit til dýralæknis, þar fær hann þau lyf sem hann þarf gegn ýmsum kvillum.

Meðalaldur
12 -14 ár.

Fóðrun
Hafðu þinn Sheltie á hágæða þurrfóðri, það inniheldur öll þau næringarefni sem hundurinn þarf. Passaðu vel að hundurinn hafi ávallt aðgang að fersku vatni. Skyndilegar fóðurbreytingar geta valdið meltingartruflunum. Hafðu samráð við dýralækninn þinn ef upp koma vandamál.

Hreyfing
Hreyfing er nauðsynleg fyrir líkamlega velferð Sheltie, hvort sem það er leikur, þjálfun, reglulegar gönguferðir eða garður til skoppa í.

Hreyfing skal miðast við aldur og ásigkomulag.

Einvera
Það á aldrei að skilja lítinn Sheltie hvolp eftir einan. Smám saman getur þú vanið hann á að vera einan stutta stund í senn. Fullorðinn hundur á aldrei að vera einn lengur en 4-5 klst. á dag.

Veikindi
Ef hundurinn er sljór, étur ekki, hagar sér öðruvísi en venjulega eða ef líkamshiti hans fer yfir 39°C (líkamshiti hunda er 37,5 - 39,0 °) þarf að hafa samband við dýralækni.

Klær
Ef klærnar á hundinum slitna ekki eðlilega er nauðsynlegt að klippa þær. Séu klær of langar geta þær aflagað fót hundsins og hann fer að nota fótinn rangt. Varast ber að klippa ekki of nálægt kvikunni (sjá mynd til hægri). Hægt er að láta klippa klærnar á hundasnyrtistofu fyrir lítinn pening.

Loppur
Ef hundurinn gengur á söltuðum gangstígum að vetri til er ráðlegt að skola loppurnar vel með vatni þegar heim er komið og þurrka síðan. Klippa þarf hárin á milli þófanna og klónna reglulega svo að þau kleprist ekki saman og angri hundinn.

Feldhirða
Er frekar auðveld. Bursta þarf feldinn reglulega og aðgæta flókamyndun bak við eyru, í makka, aftan á lærum og í skotti. Tíð böð óþörf en einna helst nauðsynlegt þegar hann fer úr hárum. Ef ætlunin sé að vera með sýningahund þarf að nostra meira við feldinn.

Byrjaðu strax að bursta og snyrta hvolpinn þinn, það gerir hann vanan allri handfjötlun seinna meir. Gættu þess þó að meiða hann ekki. Hrósaðu honum vel svo hann upplifi umhirðuna sem ánægjulega stund. Unnt er að leita frekari ráða hjá hundasnyrti eða ræktanda.

Tennur
Alveg eins og hjá mönnum verður að hirða tennur hundsins vel. Burstaðu þær reglulega með mjúkum tannbursta eða hreinsaðu með þvottaklút. Tannstein á að fjarlægja reglulega, annars geta tennurnar losnað. Leitaðu ráða hjá dýralækni varðandi tannhirðu. Í gæludýraverslunum fást bein sem hjálpa við að hreinsa tennur og tannstein.

Augu
Slím úr augum safnast eðlilega í augnkrókunum yfir nóttina og þessar stírur má þurrka burt með rakri bómull við daglega snyrtingu. En ef slímrennsli verður meira, verður það alvarlegra, oftast slímhimnubólgu og þarf þá augndropa og fúkalyf eftir læknisresepti. Ekki leyfa hundinum að vera með hausinn út um bílglugga á ferð, því ryk og óhreinindi þyrlast upp og safnast í augu og eyru.

Eyru
Ef eyrun eru óhrein má hreinsa þau með bómullarhnoðra eða eyrnapinna (gætið þess að fara lengra í hlustina en séð verður). Hafðu samráð við dýralækninn þinn ef upp koma vandamál með eyrun.

Bað
Tíð böð óþörf en einna helst nauðsynlegt þegar hann fer úr hárum. Best að nota sérstakt hundasjampó og næringu. Hundar hafa ekki sama PH gildi og menn því er ekki ráðlagt að baða þá upp úr okkar sjampó. Þurrkaðu hundinum vel eftir baðið og ekki hleypa honum út fyrr en hann er orðinn þurr ef kalt er í veðri. Gott er að nota hárblásari til að þurrka honum, gæta þarf þess að fara ekki of nálægt húð og feld hundsins svo að hann brenni sig ekki.

	Forsíða vefs
	Fréttasafn
	Uppruni Shetland Sheepdog
	Saga Sheltie á Íslandi
	Ræktunarmarkmið
	Sýningar
	Sýningarúrslit
	Listi yfir Sheltie á Íslandi
	Farnir vinir
	Meistarar
	Innfluttir hundar
	Myndasafn
	Hundafimi
	Umhirða og heilsa
	Heilsufarskröfur/Undaneldisdýr

Lilja Dóra Halldórsdóttir
Hegranesi 31, 210 Garðabær.
liljahalldorsdottir@gmail.com

Veitir allar nánari upplýsingar um tegundina fyrir hönd Hundaræktarfélags Íslands.

Frábær bók, mikið af myndum, auðlesin, ALLT tekið fyrir.

The Complete Shetland Sheepdog

Höfundur: Margaret Norman

Svokölluð Biblía. Allt sem þú þarft að vita sem snýr að Sheltie.

Sheltie Talk

Höfundar: Betty Jo McKinney og Barbara Rieseberg

Hægt er kaupa þessar bækur á amazon.com

Róbert Daníel Jónsson

Senda póst á vefstjóra