Hundafimi - Agility er alhliða íþróttagrein fyrir hunda. Í hundafimi læra hundarnir að leysa ýmsar skemmtilegar þrautir svo sem að: skríða í gegnum göng eða poka, hoppa yfir margar gerðir af hindrunum og í gegnum dekk, jafnvægisæfingar á brú, klifra yfir vegg og ganga yfir vegasalt. Auk þess lærir hann að vinna með eiganda sínum skv. skipunum og bendingum. Með því að æfa hundafimi verður hundurinn meira meðvitaður um líkama sinn, lærir að vinna þrátt fyrir truflun frá öðrum hundum og fær andlega örvun sem gerir það að verkum að hundurinn verður rólegur og glaður heimilishundur sem fær að vinna.

Einnig er hundafimi góð íþrótt fyrir eigandann þar sem eigandinn hleypur með hundinum, en hlaupin miðast samt við getu hvers og eins.

Hvað þýðir Agility?
Fimleiki, liðugleiki og mjúkleiki.

Markmið í Hundafimi
Að fara ákveðna braut á sem skemmstum tíma villulaust.

Grunnhlýðni fyrir Hundafimi
- Sitja
- Liggja
- Bíða
- Koma (innkall)